“Чеберинка 2020” конкурслэн финалаз потэм нылъёс

“Чеберинка 2020” вожвылъяськонлэн финалаз потӥзы 15 Чеберинкаос!

6-9 аресъемъёс пӧлын:
1.Гаврилова Юлиана
2.Головизнина Дарья
3.Гордеева Валерия
4.Шкляева Валерия
5.Широбокова Вероника

10-13 аресемъёс пӧлын:
1.Афанасьева Алена
2.Максимова Карина
3.Шумилова Анна
4.Русских Анна
5.Корнилова Диана

14-16 аресемъёс пӧлын:
1.Снигирева Софья
2.Главатских Юлия
3.Данилова Диана
4.Хазимарданова Анастасия
5.Васильева Ульяна

Нылашъёс вожвылъяськонлэсь вань куронъёссэ быдэстӥзы! Чеберинкаос, ӟечкыласьком! Табере финаллы дасяськонмес кутскиськом!

Удмурт нылашъёс понна радъясьскись чеберлыкъя но устолыкъя “Чеберинка 2020” вожвылъяськонлэн йылпумъян люкетэз 17-тӥ толсуре Ижкарысь Эшъяськон юртын ортчоз!

Вормон понна нылашъёслы пӧртэм ӵошатсконъёсын нюръяськоно луоз:

1.ТОДМАТСКОН. Нылашъёслы асьсэ сярысь верано. Пӧртэм амалэн тодматскыны луоз. Кырӟаса но, эктыса но, кыӵе ке постановка пуктыса но. 2-3 минут дыр сётӥське. Конкурсэ пыриськись нылъёслы сцена вылын кык адями юрттӥськыны быгатоз.
2.УСТОЛЫКЪЯ НОМЕР. Котькудӥз аслаз быгатэмлыкезъя удмурт выжыкылъёссъя номер дася.
3.ЭКО-ДӤСЬКУТЭН ДЕФИЛЕ. Нылашъёслы сьӧразы инкуазь материалъёслэсь дӥськут лэсьтыса ваёно.
4.УДМУРТ КАЛЫК КОСТЮМ ВОЗЬМАТОН. Дӥськутсэс конкурсанткаос озьы ик асьсэос вайыны кулэ.
5.ВИЗЬСЫНАН ЛЮКЕТ. Нылъёслы юанъёслы валэктонъёс сётоно луоз.
6.КИУЖЪЁСЫН АДӞЫТОН. Вожвылъяськонэ пыриськись нылъёс асьсэлэсь киужъёссэс вайыны кулэ.

Вормисьёсты быръёзы куинь арлыд категориын: 6-9 аресъемъёс пӧлын, 10-13 аресъемъёс пӧлын, 14-16 аресъемъёс пӧлын. Котькуд вормисьлы нимысьтыз корона кузьмамын но «Чеберинка 2020» ним сётэмын луоз.